Kuwa Gatandatu tariki 17 Kanama 2024 no ku Cyumweru tariki 18 Kanama 2024 hakinwe shampiyona y’igihugu y’umukino wo gusiganwa ku magare, aho ku munsi wa mbere hakinwe agace ko gusiganwa umuntu ku giti cye (Individual Time Trial), mu gihe ku munsi wa kabiri hakinwe gusiganwa mu muhanda muri rusange (Road Race).
Ni isiganwa ahanini ryaranzwe no guhangana hagati y’abakinnyi ba Benediction Club nka Mugisha Moise waje no kugera aho asiga abandi iminota irenga irindwi, ihanganye na Java Innovotec irimo abakinnyi nka Areruya Joseph, Patrick Byukusenge n’abandi.
Iyi shampiyona ikaba yegukanywe Masengesho Vainqueur wa Benediction Club mu bagabo na Diane Ingabire mu bagore.
Ku munsi wo ku wa Gatandatu, Mugisha Moise wa Benediction Club ni we wegukanye umwanya wa mbere akoresheje iminota 29’49″, akurikirwa na Etienne Tuyizere ndetse na Patrick Byukusenge ba Java Innovotec. Mu bagore, ku mwanya wa mbere haje Ingabire Diane, akurikirwa na Neza viollette Irakoze wa Komera Cycling Team ndetse na Mukashema Josiane wa Benediction Club.
Ku munsi wo ku Cyumweru ni bwo hakinwe umunsi wa kabiri, aho abasiganwa bamwe na bamwe bahagurukiye i Kanyinya abandi bahagarukukira kuri Base mu karere Rulindo, bazamuka umusozi wa Tetero mu karere ka Gicumbi.
Bakomereje mu duce twa Gicumbi baninjira mu mujyi waho, banyura mu Rukomo bagaruka mu mujyi wa Kigali aho basoreje i Batsinda mu karere ka Gasabo k’Umujyi wa Kigali.
INKURU YA IHIRWE Chris
